هه‌موو ئه‌وانه‌ی هاتوچوێی ماڵی كاك حه‌مه‌حسێنی كه‌ریمیان كردبێ، به گه‌وره‌یی ، سه‌میمیه‌ت و له خۆبردویی ئه‌و دایكه دڵسۆزه ئاشنان و هه‌ستیان به‌وه كردووه كه دایكی دووهه‌م و خه‌مخۆری راسته‌قینه‌ی ئه‌وانیشه. ده‌زانن كه چه‌نده دڵی به‌و كوره موهه‌ندیسه‌ی خۆشبوو و چه‌نده هیوای هه‌بوو كه ده‌ست به كار بوونی كاك حه‌مه‌حسێن بتوانێ له ژیانی هه‌ژاری رزگاریان بكات، كاتێكیش تێگه‌یشت كه حه‌مه‌حسێن رێبازی رزگاریی گشت به‌شمه‌ینه‌تانی كردۆته ئامانج و رێگایه‌كی پڕ مه‌ترسی گرتۆته به‌ر، چه‌نده به دڵگه‌وره‌یی بوو به یارمه‌تیده‌ری كاك حه‌مه‌حسێن و هاورێیانی. دایه ره‌عنا ئه‌گه‌ر بێ حورمه‌تی ده‌سه‌ڵاتدارانی كۆماری ئیسلامی بینی و ئازاریان دا، به‌ڵام جێگای رێزی هه‌موو شاری سه‌قز و هه‌موو خه‌ڵكی كوردستان بوو. ئه‌و له‌و دایكانه بوو كه به راستی بوونه دایكی شۆڕش و دایكی كۆمه‌ڵه.
له لایه‌ن خۆمان و هه‌موو هاورێیانی كرمه‌ڵه‌ی زه‌حمه‌تكێشانی كوردستانه‌وه، سه‌ره‌خۆشی له هه‌موو تێكۆشه‌رانی كۆمه‌ڵه و به تایبه‌تی سه‌ره‌خۆشی له بنه‌ماڵه‌ی كه‌ریمی و ئیبراهیمی ده‌كه‌ین. هه‌روه‌تر سه‌ره‌خۆشی له خه‌ڵكی كوردستان و به تایبه‌تی خه‌ڵكی سه‌قز و بانه ده‌كه‌ین. یادی دایه ره‌عنا له دڵی هه‌مووماندا ده‌مێنێ و له ناو شۆڕشی كوردستاندا یادی هه‌ر به‌رز و زیندوه.
به‌رز و به‌رێز بێ یادی دایه ره‌عنا كه‌ریمی
كومیته‌ی ناوه‌ندیی كۆمه‌ڵه‌ی زه‌حمه‌تكێشانی كوردستان
20 خاكه‌لێوه‌ی 1390 هه‌تاویی ، 9 ئاپریلی 2011
هیچ نظری موجود نیست:
ارسال یک نظر